A multinacional Clece visita Ambar

Flavia González, técnica de Selección de Persoal de Galicia e Asturias de Clece. Visitou as nosas instalacións. Durante a xornada, compartiu a visión da empresa Clece e aportou consellos sobre os procesos de selección ás persoas usuarias dos proxectos de emprego que está desenvolvendo Ambar.

Flavia destacou a importancia dunha actitude positiva e resiliente no proceso de busca de emprego, ademais da formación continúa. E sinalou o compromiso de Clece cos procesos inclusivos e cos distintos movementos asociativos

Nesta xornada estiveron: Milagros Rey, presidenta de Ambar; Alicia Romero, coordinadora da área administrativa; Daniel Tojo, orientador laboral; e Ángeles Sampedro, técnica de emprego.

E asistiron as 10 persoas inscritas na formación sobre actividades auxiliares na industria alimentaria, que se está impartindo neste momento na entidade.

Con esta xornada, Ambar da comezou a un ciclo de conferencias con distintas empresas, que aportarán a súa experiencia e coñecementos ás persoas con diversidade funcional vinculadas ó proxecto de emprego de Ambar coa Fundación ONCE.

Esta formación é posible grazas á financiación da Fundación ONCE concedida na ‘Convocatoria de Axudas económicas para a Selección de Operacións para o Reforzo da Empregabilidade de Persoas Xoves con Discapacidade “Uno a Uno” e enmárcase no Programa de Emprego Xuvenil (POEJ) do Fondo Social Europeo “O FSE inviste no teu futuro.”