Coñece os nosos Servizos!

Prestamos dúas modalidades de Servizos de Atención especializados para as persoas con diversidade funcional, centro ocupacional e centro de día.

Servizos deseñados a túa medida

O centro de día e ocupacional de Ambar, son uns servizos centrados nas persoas. Co-deseñamos as actividades en función dos teus gustos e intereses, porque a túa felicidade é o que máis importa.

Ramón e Mónica facendo exercicios de psicomotricidade

Que podemos aportarche?

  • Aprende novas formas de facer as cousas por ti mesma ou mesmo.
  • Mantente activa, coas nosas actividades deportivas: natación, pilates… Ou forma parte dos nosos equipos de fútbol, baloncesto e pádel.
  • Segue formándote! Ofrecémosche opcións académicas, laborais, artesanais e artísticas.
  • Participa na comunidade a través das actividades de ocio, estancias de fin de semana e campamentos.
  • Forma parte dun grupo de amizades co que desfrutar da vida.

Que se necesita para participar?

  • Ser maior de 16 anos.
  • Ter recoñecida unha situación de diversidade funcional.
  • Ter ganas de comezar unha nova etapa e realizar os teus obxectivos de vida.

O noso día a día

No seguinte vídeo deixámosche co resumo do noso día a día, os obradoiros que realizamos e as persoas que forman a familia Ambar.

Ven a visitarnos!

A mellor maneira de contarche todo o que facemos, é visitándonos. Estamos encantadas de abrir as portas para que as persoas protagonistas dos Servizos de Atención Diúrna mostren o seu día a día.

Chámanos ao 981 87 44 80 ou envíanos o seguinte formulario para concertar unha visita.