Sokram - Asociación Ambar

Sokram

Ordes

Sokram, é un creativo multidisciplinar: diseño gráfico, ilustración, música e principalmente muralismo son parte da súa actividade. O seu traballo como artista no espazo público ten un forte compoñente social, crítico e sarcástico. Destaca o seu gusto pola ironía, o humor e os dobles sentidos.

As súas imaxes conteñen unha narrativa poética e conceptual con profunda carga simbólica, na que significado e significantes entran en relación co territorio que habita a propia parede e o contexto socio-político do momento.

A liberdade de expresión, a censura e autocensura, a independencia creativa, a sociedade do autocontrol, neoliberalismo e existencialismo son temas que subxacen nos seus murais de distintas formas.

Ao largo dos últimos anos Sokram participou en diversos eventos de arte urbano e os seus murais pódense atopar en numerosos lugares de España e outros países como Francia, Italia, Portugal ou Alemania.

Preguntas e respostas

Como está sendo a túa experiencia? Traballaras anteriormente con persoas con diversidade funcional?

É unha moi boa experiencia, sempre resulta gratificante participar en iniciativas así, coñecer a persoas que non se dedican concretamente a este oficio e que che sorprenden co talento que poden aportar. É un aprendizaxe mutuo.

Consideras que se está abrindo camiño para que as persoas con diversidade funcional poidan desenvolver ou mostrar o seu potencial artístico? Como ves o panorama en xeral? Hai participación?

Creo que iniciativas como Mar diverso axudan moito a que se poidan desenvolver esas habilidades artísticas.
O equipo de traballo co que estiven ten un gran potencial artístico pero tamén é necesario que para explotalo se encontren as ferramentas necesarias. Facer o camiño deste potencial artístico é necesario.

Está sendo posible gracias a iniciativas así, pero hai que seguir facendo máis para darlle maior visibilidade.

Ademais de que as persoas con diversidade funcional se apoderen e enxalzar o patrimonio costeiro, que obxectivo ten a peza? Que mensaxe se quer transmitir o público?

A peza trata sobre o cambio climático, en concreto sobre a problemática dos areais.
É unha crítica sobre un sistema social pétreo que non quere cambiar, que non lle dá importancia e valor á diversidade natural. Unha porta á reflexión e á toma de conciencia sobre o tempo que nos queda.

E por último, que nos espera en Mar Diverso, algo que se poida desvelar?

Pois que esperamos que nos quede un gran resultado e que lle guste á xente. Esperamos que teña moito público e o disfruten como nós o fixemos co proceso da obra.