Xa está dispoñible a reserva do Calendario Solidario 2022! 40 anos de cine, 40 anos de Ambar

Xa está dispoñible para reserva o Calendario Solidario 2022. Esta 8ª edición está marcada pola conmemoración do noso 40 aniversario, en 2022 cumprimos 4 décadas impulsando os dereitos das persoas con diversidade funcional. Baixo o slogan “40 anos de cine, 40 anos de Ambar” recompilaranse fitos históricos da nosa traxectoria a par que películas representativas do cine español desas datas.

Onde pode reservarse:

O calendario que ten un custe de 7€ na súa versión de parede e 3€ de mesa. Pode reservarse tanto na nosa web, como nas canles habituais: Chamando ó 981 87 44 80 ou escribindo a correo@asociacionambar.org. As primeiras 20 persoas que o reserven recibirán un agasallo dos obradoiros artesanais de Ambar.

Un calendario de película

Este proxecto que comezou a súa andadura no ano 2015, e que promove o cine con valores sociais e o apoderamento das persoas con diversidade funcional a través da expresión artística, vístese de gala para conmemorar o 40 aniversario de Ambar. Nesta edición o Calendario estará composto por carteis representativos do cine español dos últimos 40 anos e irá acompañando de fitos históricos relevantes na traxectoria da entidade.

Coa recadación obtida da súa venta, Ambar impulsará proxectos que melloren a autonomía e calidade de vida das persoas con diversidade funcional.

María O escenificando a ”Thi Mai Rumbo a Vietnam’ para o Calendario Solidario 2019