Rematamos Dixitalíza-T: formación sobre competencias dixitais

O pasado martes día 7 rematamos Dixitalíza-T , formación en competencias dixitais impartida por Ahinoa Parga e Lidia Mariño, profesionais da Asociación Ambar.

O obxectivo xeral desta formación foi mellorar a autonomía das persoas con divesidade funcional a través da adquisición de novas competencias dixitais as cales pemitan mellorar a vida diaria a través de medios telemáticos.

O grupo que finalizou a formación está composto por sete persoas con diversidade funcional: Sebastián Jiménez, Conchita Mouriño, Raquel Hernández Juan Ramón Barreiros , Héctor Vidal, Alberto Fungueiriño e Araceli Pouso.

 

O enfoque das accións que se levaron a cabo a través do programa foi dirixido a ofrecer alternativas de formación dixital de maneira práctica, incrementar as posibilidades de accesibilidade dixital das persoas con diversidade funcional e romper os estereotipos existentes sobre as persoas con diversidade intelectual e o acceso a contidos dixitais.

Este luns día 13 realizouse a entrega de diplomas no Centro de Recursos da Asociación Ambar. Á entrega asistiron Milagros Rey, presidenta de Ambar; Jaime Capilla, coodinador do proxecto; Daniel Tojo, orientador de emprego e Lidia Mariño, docente da formación.

Esta formación realizouse co apoio financiero da Fundación Once Por Talento Dixital (XTD).