(Pechada) Oferta de emprego: Profesional de Apoio en Comunidade

Benvido/a e gracias polo teu interese no posto de profesional de Apoio en Comunidade 

Este documento inclúe información sobre este posto laboral, a asociación, o que facemos, e os requisitos para postular a esta oferta.  

Esperamos que esta información che axude a decidir se este posto é do teu interese. 

Sobre Nós 

Ambar é a asociación pioneira no Barbanza traballando polos dereitos das persoas con diversidade funcional dende 1982. O noso propósito é o de “Promover Vidas Independentes en Comunidade”, asegurando así que as persoas participan na comunidade en igualdade de condicións que o resto da cidadanía.   

Para isto, Ambar pon moito fincapé nun sistema de traballo baseado non só na promoción da autonomía nos propios servizos, se non en asegurar que a persoa aprende e adquire novos coñecementos que se poidan transferir ó seu día a día adquirindo cada vez máis soltura para poder vivir en comunidade independentemente con apoio.  

Para acadar isto, Ambar presta apoio a través de diferentes servizos como son: Atención Diúrna, formación e orientación laboral, emprego con apoio, vivenda, accesibilidade, arte e artesanía entre outros servizos e programas.

Traballamos: 

• prestando apoios para mellorar a calidade de vida a través do deporte inclusivo e das actividades de ocio, 

• impulsamos o empoderamento das persoas con diversidade a través da expresión artística e da creatividade, 

• aportamos ferramentas para promover a autonomía persoal nos obradoiros ocupacionais do Servizo de Atención Diúrna, 

• facilitamos a vida independente dentro da comunidade a través do programa de vivenda con apoio, 

• formamos e promovemos o emprego digno na comarca. 

Sobre o posto de traballo   

Ambar está a buscar un profesional de Apoio en Comunidade que preste apoio directo á persoa con diversidade e o seu entorno, promovendo a toma de decisións e a participación activa na comunidade.

Como presentarse a esta oferta 

Se pensas que esa persoa, poderías ser ti, envíanos unha carta de motivación, onde fales das áreas que aparecen na sección “Especificacións da persoa solicitante” e o teu currículo á seguinte dirección de correo electrónico talento@asociacionambar.org. A data límite é o  10 de maio.  

As entrevistas realizaranse entre a partir do 4 de maio. 

A Asociación Ambar é unha organización que celebra a diversidade e a igualdade de oportunidades no ámbito laboral. Se necesitas información accesible noutros formatos non dubides en poñerte en contacto con nós nos seguintes teléfonos: 981 87 44 80  ou 697 687 952 (WhatsApp).    

Moitas gracias e esperamos saber pronto de ti.

2. Descrición do posto: ​

Misión e obxectivos xerais do posto 

A misión deste posto é prestar apoio directo á persoa con diversidade e ao seu entorno. Para acadar esta finalidade levaránse a cabo os seguintes obxectivos: 

1. Fomentar a participación activa na comunidade mediante paseos regulares dentro do entorno urbano de Ribeira.  

2. Velar polo benestar da persoa con diversidade 

Responsabilidades 

1. Prestar apoio para que as persoas con diversidade poidan participar nas accións diarias na comunidade: actividades de lecer, actividades da vida diaria. 

2. Realizar as estratexias de apoio definidas no plan individual da persoa con diversidade. 

3. Traballar en equipo co resto de compañeiros/as para que a persoa con diversidade poida desfrutar do máximo posible das actividades nas que participa. 

4. Identificar áreas de mellora e facer propostas de accións innovadoras nas áreas de traballo da entidade. 

5. Levar a cabo os deberes e responsabilidades deste posto en conformidade cos valores, normas e protocolos da organización, e calquera outra regulación.

Especificacións da persoa solicitante do posto 

Formación e experiencia 

6. Necesario contar con formación de habilitación para a axuda no fogar como  Auxiliar de Axuda no Fogar, Atención Sociosanitaria, Atención a persoas en situación de dependencia, Auxiliar de Enfermería. 

7. Carné de conducir tipo B1. 

8. Valorarase positivamente outra formación en atención á diversidade.  

9. Formación en monitor de tempo libre, valorarase positivamente.  

10. Experiencia de traballo con persoas con diversidade valorarase positivamente.  

Habilidades persoais e outros 

11. Excelentes habilidades de empatía, comprensión da información verbal e non verbal. 

12. Excelente capacidade para a xestión emocional,  e capacidade para afrontar situacións e contratempos con serenidade.  

13. Boas habilidades de organización e resolución de dificultades sempre primando o benestar da persoa usuaria. 

14. Coñecemento da diversidade funcional, e os apoios e axustes necesarios para a formación.  

15. Capacidade de mellora, ir sempre máis alá, e intentar mellorar proxectos e resultados.