Este documento inclúe información sobre este posto laboral, a asociación e o que facemos, e os requisitos para postular a esta oferta.  

Esperamos que esta información che axude a decidir se este posto é do teu interese.

Sobre nós

A Asociación Ambar é a asociación pioneira no Barbanza traballando polos dereitos das persoas con diversidade funcional dende 1982. Traballamos día a día para lograr unha comunidade na que as persoas con diversidade funcional teñan igualdade de oportunidades, que as súas contribucións sexan valoradas e os seus dereitos respectados.  

Para acadar isto, traballamos: 

• prestando apoios para mellorar a calidade de vida a través do deporte inclusivo e das actividades de ocio, 

• impulsamos o empoderamento das persoas con diversidade a través da expresión artística e da creatividade, 

• aportamos ferramentas para promover a autonomía persoal nos obradoiros ocupacionais do Servizo de Atención Diúrna, 

• facilitamos a vida independente dentro da comunidade a través do programa de vivenda con apoio, 
• formamos e promovemos o emprego digno na comarca.

Sobre o posto

A persoa que desenvolve este posto ten a vantaxe de estar en contacto coa persoa con diversidade e coa información aportada polo equipo profesional dotándose de todas as ferramentas para apoiar a autonomía da persoa. Coñece e observa de primeira man os logros que cada día se acadan no desenvolvemento persoal e profesional. 

Se es unha persoa con ilusión por dar valor á diversidade, este traballo é para ti. 

Descrición do posto: Profesional de apoio a persoas con diversidade 

Misión e obxectivos xerais do posto 

A misión deste posto é promover e deseñar actividades de inclusión social co fin de apoiar o desenvolvemento persoal e mellorar a calidade de vida das persoas con diversidade. 

Para acadar esta finalidade, o/a profesional levará a cabo os seguintes obxectivos: 

• Velar pola promoción da autonomía da persoa con diversidade en todas as actividades propostas. 

• Prestar o apoio necesario á persoa con diversidade para levar a cabo accións de promoción de autonomía persoal baseadas no Plan individual de Apoio. 

• Conseguir a satisfacción e a promoción da autonomía da persoa con diversidade á vez que se logran os obxectivos individuais. 

Responsabilidades 

• Deseño e implementación de actividades dentro do Proxecto de Apoios en Comunidade, en relación a promover que as persoas con diversidade poidan usar os servizos nas mesmas condicións que a cidadanía.  

• Prestar apoios para que as persoa con diversidade poidan participar nas accións diarias: actividades da vida diaria, actividades de lecer, deportivas  e no desprazamento.  

• Traballar en equipo co resto de compañeiros/as para que a persoa con diversidade poida acadar a máxima autonomía. 

• Identificar áreas de mellora e facer propostas de accións innovadoras nas áreas de traballo da entidade. 

• Levar a cabo os deberes e responsabilidades deste posto en conformidade cos valores, normas e procedementos da organización. 

Requisitos da persoa solicitante do posto 

Formación e experiencia 

• Formación e experiencia en atención á diversidade. 

Valorarase experiencia nas especialidades que traballan directamente con persoas con diversidade funcional: atención sociosanitaria e outras relacionadas. 

• Carné de conducir tipo B1 

• Valorarase positivamente: 

• Experiencia de traballo con persoas con diversidade 

• Coñecemento e emprego da Lingua de Signos Española. 

• Certificado de Manipulador de Alimentos. 

• Formación en monitor/a de tempo libre ou similar.  

• Bo nivel de galego, tanto na escrita como no oral. 

Habilidades  

• Excelentes habilidades de empatía, comprensión da información verbal e non verbal. 

• Excelente capacidade para a xestión emocional, e capacidade para afrontar situacións e contratempos con serenidade. 

• Boas habilidades para a resolución de dificultades sempre primando o benestar da persoa usuaria. 

• Coñecemento da diversidade funcional, e os apoios e axustes necesarios para a formación. 

• Capacidade de mellora, ir sempre máis alá, e intentar mellorar proxectos e resultados. 

Como presentarse a esta oferta 

Se pensas que esta oferta é para ti, envíanos o teu currículo e carta de motivación ó correo talento@asociacionambar.org ou cubre o seguinte formulario o antes posible.

O proceso de selección comenza o venres 14 de febreiro.

Moitas gracias e esperamos saber pronto de ti!