Oferta de emprego: Profesional de apoio á inclusión

Benvido/a e gracias polo teu interese no posto de Profesional de apoio á inclusión. Este artigo inclúe información sobre este posto, a asociación, o que facemos, e os requisitos para postular a esta oferta. Esperamos que esta información che axude a decidir se este posto é do teu interese.

Descrición do posto: Profesional de apoio á inclusión


Área: Inclusión

Lugar de traballo: Comunidade (Comarca Barbanza)

Duración: 1 mes, 10h semanais
Inicio: 2 de agosto de 2021
Salario base: Titulado nivel técnico (Grupo III), do XV Convenio colectivo xeral de centros e servizos de atención a persoas con discapacidade.

Misión do posto

A misión deste posto é apoiar á persoa con diversidade en actividades de esparcemento, de lecer e deportivas dentro da comunidade contribuindo á mellora da súa calidade de vida.

Responsabilidades

  1. Apoiar á persoa con diversidade, segundo as pautas de apoio específicas.
  2. Planificar actividades de lecer e de esparcemento na comunidade acorde aos gustos e intereses individuais.
  3. Realizar seguimento e comunicación das accións.
  4. Levar a cabo os deberes e responsabilidades deste posto en conformidade cos valores, normas e protocolos da organización.

Especificacións da persoa solicitante do posto

Formación e experiencia

  1. Formación en ámbito sociosanitario en atención a persoas con diversidade.
  2. Experiencia de traballo con persoas con diversidade con necesidade de apoio intenso.
  3. Experiencia no liderado de actividades inclusivas de lecer ou deportivas.
  4. Formación en monitor de tempo libre, valorarase positivamente.
  5. Coñecemento e emprego da Lingua de Signos Española, valorarase positivamente.
  6. Carné de conducir tipo B1.

Habilidades e outros

  1. Excelentes habilidades de empatía, comprensión da información verbal e non verbal
  2. Excelente capacidade para a xestión emocional,  e capacidade para afrontar situacións e contratempos con serenidade.
  3. Boas habilidades para a resolución de dificultades sempre primando o benestar da persoa usuaria
  4. Coñecemento da diversidade funcional, e os apoios e axustes necesarios para a formación.
  5. Capacidade de mellora, ir sempre máis alá, e intentar mellorar proxectos e resultados.
  6. Coñecemento ou intereses persoais por áreas artísticas como a música, danza, teatro valorarase positivamente.

Como presentarse a esta oferta

Se estás interesado/a en postular á seguinte oferta, envíanos a correo@asociacionambar.org unha carta de motivación e o teu currículo. Na carta de motivación, identifica ben “as especificacións da persoa solicitante” que aparecen neste artigo, xa que son necesarias para poder valorar a túa candidatura.

Sobre Ambar

A Asociación Ambar é a asociación pioneira no Barbanza traballando polos dereitos das persoas con diversidade funcional dende 1982. Traballamos día a día para lograr unha comunidade na que as persoas con diversidade funcional teñan igualdade de oportunidades, que as súas contribucións sexan valoradas e os seus dereitos respectados.

Para acadar isto…

  • prestamos apoios para mellorar a calidade de vida a través do deporte inclusivo e das actividades de ocio,
  • impulsamos o apoderamento das persoas con diversidade a través da expresión artística e da creatividade,
  • aportamos ferramentas para promover a autonomía persoal nos obradoiros ocupacionais do Servizo de Atención Diúrna,
  • facilitamos a vida independente dentro da comunidade a través do programa de vivenda con apoio,
  • formamos e promovemos o emprego inclusivo na comarca.

Comprometidas e comprometidos pola igualdade de oportunidades

A Asociación Ambar é unha organización que celebra a diversidade e a igualdade de oportunidades no ámbito laboral. Se necesitas información accesible noutros formatos non dubides en poñerte en contacto con nós nos seguintes teléfonos: 981 875 475 ou 607 356 550 (WhatsApp).

Moitas grazas e esperamos saber pronto de ti!