Loading cart contents...
Medidas estatais para a contratación de persoas con diversidade funcional
Onde aparecen publicadas estas medidas estatais?
- Real Decreto Lexislativo 1/2013, do 29 de novembro, polo que se aproba o Texto Refundido da Lei Xeral de dereitos de persoas con discapacidade e da súa inclusión social.
- Real Decreto-lei 18/2011, de 18 de novembro, polo que se regulan as bonificacións de cotas á Seguridade Social de contratos de traballo celebrados con persoas con diversidade pola Organización Nacional de Cegos Españois (ONCE) e se establecen medidas de Seguridade Social para persoas afectadas pola bacteria E. coli
- Lei 43/2006, do 29 de decembro, para a mellora do crecemento e do emprego.
Ata cando teño de prazo para presentar a miña solicitude?
Medidas abertas durante todo o ano, non vinculadas a prazos de convocatoria.
Cal é a finalidade destas medidas estatais?
Favorecer a contratación de persoas con diversidade funcional bonificando diferentes tipos de contratos e reducindo as cotas na Seguridade Social.
Cales son estas medidas?
Subvención por adaptación de postos
A subvención por adaptación de postos de traballo, incluídas as medidas de accesibilidade universal física, sensorial, cognitiva e de comunicación e as medidas adecuadas en función das súas necesidades, así como a dotación de medios de protección persoal e eliminación de barreiras arquitectónicas terá unha contía máxima de 1.800 euros por persoa traballadora con diversidade funcional contratada.
Adxudicación en contratos públicos
A administración pública pode establecer como criterio de adxudicación preferente en contratos públicos a aquelas empresas que teñan incorporados no seu cadro de persoal persoas con diversidade funcional.
Bonificación nas cotas da seguridade social
Unha das principais medidas é a bonificación ou redución das cotas da empresa á seguridade social. En función da modalidade de contrato, do xénero, da idade (menor ou maior de 45 anos) e do grao de diversidade funcional (do 33% ou 65%) preséntanse máis ou menos incentivos.
Medidas específicas para os sectores: turismo, comercio e hostalería vinculados ó sector turismo
Medida de apoio á prolongación do período de actividade das persoas traballadoras con contratos fixos – descontinuos nos sectores de turismo e comercio e hostalería vinculados á actividade turística.
*Excluídas as empresas pertencentes o sector público
*Contratación de persoas traballadoras en xeral
Bonificación das cotas empresariais en contratos de interinidade e contratos formativos
Redución do imposto de sociedades
No caso de que a empresa aumente a media de persoas traballadoras con diversidade funcional, ofrécese unha dedución da cota integra de 9.000 a 12.000 euros.
