Código do procedemento: TR349F

Bono de contratación

Proporcionase unha subvención para a contratación indefinida inicial das persoas desempregadas realizadas por persoas traballadoras autónomas ou persoas profesionais con domicilio social e fiscal en Galicia.

Serán subvencionables as contratacións indefinidas iniciais (pode ser a tempo completo, tempo parcial ou fixos-descontinuos) de persoas desempregadas realizadas por traballadoras autónomas ou persoas profesionais con domicilio social e fiscal en Galicia e que se formalicen dende o 1 de outubro do 2021 ata o 30 de setembro de 2022.

Contratación dunha 1ª persoa traballadora indefinida

Contratación dunha primeira persoa traballadora indefinida, axuda de 4.000 euros cando se trate dunha persoa desempregada. Esta axuda poderá chegar a ser ata de 6.500 euros cando a persoa desempregada se atope nalgunha das seguintes situacións:

• Persoas desempregadas de longa duración
• Persoas con diversidade funcional
• Persoas en risco ou exclusión social

Contratación dunha 2ª e 3ª persoa traballadora indefinida

Contratación dunha segunda e terceira persoa traballadora indefinida, axuda de 6.500 euros cando se trate dunha persoa desempregada. Esta axuda poderá chegar a ser ata de 9.000 euros cando a persoa desempregada se atope nalgunha das seguintes situacións:

• Persoas desempregadas de longa duración
• Persoas con diversidade funcional
• Persoas en risco ou exclusión social

Estas contías auméntanse un 25% nos seguintes casos, acumulables entre sí:

• Muller
• Centro de traballo situado en Concello Rural.
• Maior de 45 anos.
• Migrante retornado.
• Persoa transxénero.
• Profesións e oficios nos que a muller este subrepresentada, segundo informe do Observatorio de Emprego (figura no anexo V da orde)

Deste modo, as contías máximas posibles aplicando todos os incrementos serían:

• 16.250 euros para a primeira persoa traballadora indefinida.
• 22.500 euros para a segunda e terceira persoa traballadora indefinida.

Bono de incentivos á formación

Dirixido a formación das persoas traballadoras subvencionadas por medio do programa de bono de contratación.

• A duración da acción formativa será dun mínimo de 70 horas de formación teórica en contados relacionados co posto de traballo.
• A acción formativa ten que ter lugar dentro dos 3 primeiros meses dende a data da solicitude e deberá estar finalizada o 30 de novembro de 2022.
• Esta formación bonificase con 4.000 euros por cada persoa traballadora subvencionada mediante o programa de  bono de contratación.